“Azercell” yeni tarif paketini istifadəyə verib
Bakı, 3 iyun, AZƏRTAC
Azərbaycanın mobil operatoru “Azercell Telekom” MMC iyunun 3-dən fakturasız xətt (SimSim) abunəçiləri üçün yeni “Azercellim” tarifini təqdim edib.
Şirkətdən AZƏRTAC-a bildirilib ki, yeni tarif daha sərfəli danışıq imkanı yaradır. Bu tarifə qoşulan abunəçilər indi şəbəkədaxili zənglərin 1 dəqiqəsi üçün 4, şəbəkəxarici zənglərin 1 dəqiqəsi üçün isə 6 qəpik ödəyəcəklər. “Azercellim”də SMS xidmətindən istifadə 3 qəpiyə bərabərdi.
Abunəçilər yeni tarifə qoşulmaq üçün A yazıb 7575 göndərməlidirlər. Yeni tarifdə interval 1 dəqiqə üzrə hesablanır. Eyni zamanda, yeni aktivləşən və ya nömrələrini operatorun şəbəkəsinə daşıyan SimSim abunəçilərinin nömrələri “Azercellim” tarifində olacaq və onlara 3 manat hədiyyə ediləcək. Balans ölkədaxili zəng və SMS, həmçinin mobil internet üçün 30 gün müddətində istifadə oluna bilər.
Bölmənin digər xəbərləri
