“AZƏRDƏMİRYOLBANK” OFİD-İN KREDİT XƏTTİNİ TAM İSTİFADƏ ETMİŞDİR
AZƏRTAC xəbər verir ki, “Azərdəmiryolbank” ASC neft ixrac edən ölkələr təşkilatının Beynəlxalq İnkişaf Fondundan (OFID) cari ilin aprelində 7 il müddətinə cəlb etdiyi 5 milyon ABŞ dolları məbləğində kredit xəttinin yerləşdirilməsini başa vurmuşdur. Vəsaitlər xırda, kiçik və orta biznesin inkişafının dəstəklənməsinə yönəldilmişdir.
Kreditlər sahibkarlara həm paytaxt, həm də regionlardakı ofislər vasitəsilə verilmişdir. Kredit xəttinin qısa müddətdə paylanmasına cəlbedici maliyyələşmə şərtləri və Azərbaycanda davam edən iqtisadi bundan qaynaqlanan pula olan yüksət tələbat səbəb olmuşdur.
Hazırda bank mayda Avropa Yenidəngurma və İnkişaf Bankından (AYİB) beş il müddətinə cəlb etdiyi 14 milyon dollar məbləğində kreditin yerləşdirilməsini də başa çatdırır. Ölkə sahibkarlarına artıq toplam 10 milyon dollar məbləğində vəsaitlər paylanmışdır.
