İQTİSADİYYAT
“Azerfon” və “Palmali” tərəfdaşlıq müqaviləsi imzaladılar
Şirkətdən AZƏRTAC-a bildirilib ki, razılaşmalara əsasən, tərəflər öz üzərlərinə qarşılıqlı korporativ xidmət öhdəliyi götürübər. Eyni zamanda, “Azerfon” şirkəti “Xəzər Lənkəran” futbol klubunun iştirakı ilə keçirilən bütün yarış və tədbirlərdə onun tərəfdaşı qismində çıxış edəcək.
“Azerfon” şirkətinin baş icraçı direktoru Kent Maknili müxtəlif sahələrdə ixtisaslaşmış “Palmali” şirkətlər qrupunun fəaliyyətini yüksək qiymətləndirib. Son illər “Nar Mobile” mobil operatorunun nəzərə çarpacaq uğurlara imza atdığını qeyd edən şirkət rəhbəri Azərbaycanın biznes mühitində onun öz yeri və çəkisi olduğunu vurğulayıb.
“Xəzər Lənkəran” futbol klubunun vitse-prezidenti Tuyqun Nadirov qeyd edib ki, bu müqavilələrin imzalanması qida sənayesi, turizm və idman sahələrində öz sözünü demiş müəssisələr və ölkənin aparıcı mobil operatoru arasında uğurlu əməkdaşlığın təməlini qoyub və bu tərəfdaşlıq hər iki tərəf üçün məhsuldar və səmərəli olacaq.