“AZƏRİ-ÇIRAQ-GÜNƏŞLİ” YATAQLARINDAN 3 MİLYON TONDAN ÇOX NEFT HASİL OLUNMUŞDUR
AZƏRTAC xəbər verir ki, Xəzərin Azərbaycan sektorunda “Azəri-Çıraq-Günəşli” (AÇG) yataqlarının işlənməsi ilə məşğul olan Azərbaycan Beynəlxalq Əməliyyat Şirkəti (ABƏŞ) iyunda bu yataqlardan 3 milyon 400 min 392 ton neft hasil etmişdir.
Konsorsiumdan bildirmişlər ki, cari ilin 6 ayında həmin göstərici 18 milyon 983 min 46 ton olmuşdur.
“Çıraq” yatağından iyunda 504 min 446 ton, 6 ayda 3 milyon 52 min 689 ton, “Azəri” yatağından 6 ayda 2 milyon 702 min 580 ton, “Günəşli” yatağından isə iyun ayında 193 min 366 ton və cari ilin 3 ayında 388 min 384 ton neft hasil edilmişdir. Qeyd edək ki, “Günəşli” yatağında hasilata cari ilin aprelindən başlanmışdır.
İxrac marşrutları üzrə dəmir yolu vasitəsilə iyunda 124 min 279 ton, yarım ildə 574 min 107 ton, Bakı-Tbilisi-Ceyhan əsas ixrac boru kəməri ilə isə müvafiq olaraq 3 milyon 19 min 870 ton və 17 milyon 510 min 746 ton neft ixrac edilmişdir. Ceyhan limanından Azərbaycan nefti iyunda 26, yanvar-iyunda isə ümumilikdə 179 müxtəlif həcmli tankerlərlə dünya bazarlarına yola salınmışdır.
Bölmənin digər xəbərləri
