“Azərikimya”nın mərkəzi laboratoriyasında kompyuter sistemli müasir xromotoqraflar quraşdırılmışdır
Sumqayıt, 6 аprel (AZƏRTAC). “Azərikimya” İstehsalat Birliyinin (İB) Etilen-polietilen zavodunda istehsal edilən məhsulların, o cümlədən xammal kimi istifadə olunan ilkin emal benzininin, quru qazın və s. mövcud texniki standartlar səviyyəsində alınmasında kimyəvi analizlərin dəqiqliyinin əhəmiyyəti nəzərə alınaraq, mərkəzi laboratoriyada Rusiya istehsalı olan, innovativ texnologiyalara əsaslanan kompyuter sistemi qurulmuşdur.
İB-nin mətbuat xidmətindən AZƏRTAC-a bildirmişlər ki, yeni kompyuter sistemi istehsal olunan kimyəvi məhsulların dəqiq fiziki-kimyəvi analizini aparacaqdır. Yeni texnologiyalı kompyuter-xromotoqraflar digər müəssisələrdə aparılması mümkün olmayan kimyəvi analizlərin də burada həyata keçirilməsinə imkan yaratmışdır.
Bölmənin digər xəbərləri
