“Azəriqaz”: 37 kənd və 50 yeni yaşayış massivində qazlaşdırma işləri davam edir
Bakı, 11 iyun, AZƏRTAC
Cari ildə 69 kənd və 62 yeni yaşayış massivinin qazlaşdırılması nəzərdə tutulub ki, bunlardan 37 kənd və 50 yeni yaşayış massivində işlər davam edir. Bir kəndin və yeni yaşayış massivinin qazlaşdırılması işi yekunlaşıb.
AZƏRTAC xəbər verir ki, bunu Birliyin baş direktorunun satış üzrə müavini Rəşad Cavadov deyib.
Bundan əlavə, Birliyin Sağlamlıq, əməyin təhlükəsizliyi, ətraf mühitin mühafizəsi və keyfiyyətə nəzarət şöbəsinin rəisi İlkin Behbudov qurum tərəfindən ildə bir dəfədən az olmayaraq noyabrın 1-nə qədər yaşayış mənzillərində və sənaye obyektlərində qazdan istifadə qaydalarına riayət olunmasını yoxlamaq üçün texniki müayinə keçirəcəyini qeyd edib.
Birliyin Yeni qazlaşma və inkişaf şöbəsinin rəisi Teymur Cəfərov meşə zolağında yerləşən kəndlərin qazlaşdırılması ilə bağlı mövcud vəziyyəti açıqlayıb. Şöbə rəisi bildirib ki, bu il qazlaşdırılması nəzərdə tutulan 69 kəndin 25-i bilavasitə meşə zolağı kənarında yerləşən kəndlərdir: “Bu kəndlərin qazlaşdırılması ekoloji tarazlığın qorunmasında mühüm rol oynayacaq”.
Bölmənin digər xəbərləri
