“Azəristiliktəchizat”: 286 məktəb, 160 uşaq bağçası fasiləsiz və etibarlı istiliklə təmin olunub
Bakı, 14 aprel, AZƏRTAC
Respublikanın dağ rayonları noyabrın 1-dən, Bakı şəhəri və ölkənin digər ərazilərində yaşayış binaları, sosial və təsərrüfat obyektləri isə noyabrın 15-dən istiliklə təmin edilməyə başlanılıb.
AZƏRTAC xəbər verir ki, bu barədə aprelin 14-də mətbuat konfransında “Azəristiliktəchizat” ASC-nin sədrinin vəzifələrini müvəqqəti icra edən İlham Mirzəliyev bildirib.
O qeyd edib ki, sözügedən müddətdə cəmiyyətə məxsus 562 qazanxana və 88 istilik məntəqəsi istismar edilməklə 3 min 866 yaşayış binası, o cümlədən 184 minə yaxın mənzil, 286 məktəb,160 uşaq bağçası, 150 səhiyyə müəssisəsi və 2 min 445 digər sosial və təsərrüfat obyektlərinin fasiləsiz və etibarlı istiliklə təmin olunub. Bu məqsədlə 2022-ci ilin yekunları üzrə istehsal və maliyyə təsərrüfatı fəaliyyəti haqqında ilkin hesabata əsasən 1759 QVt istilik enerjisi istehsal edilib.
Bölmənin digər xəbərləri
