BABƏK RABİTƏÇİLƏRİ GÜNÜN TƏLƏBLƏRİ SƏVİYYƏSİNDƏ İŞLƏYİRLƏR
AZƏRTAC-ın müxbiri xəbər verir ki, Babək rayonunda əhaliyə göstərilən poçt və rabitə xidmətləri günün tələbləri səviyyəsində qurulmuşdur. Babək qəsəbəsi, Sirab, Güznüt, Çeşməbasar, Nehrəm, Aşağı Buzqov, Zeynəddin kəndlərinə əlavə olaraq 500 telefon xətti çəkilmiş, Şıxmahmud kəndində 352, Qahab kəndində 288 nömrəlik yeni elektron tipli ATS-lər quraşdırılmışdır. Xatırladaq ki, keçən il əhaliyə proqnozlaşdırılmış 878 min manat (AZN) əvəzinə, 1 milyon 123 min 500 manat poçt və rabitə xidməti göstərilmişdir. Bu, 2004-cü illə müqayisədə 203 min 700 manat (AZN) çoxdur.
2006-cı ilin ilk günlərindən uğurlu start götürən rayon rabitəçiləri artıq fevralın ikinci ongünlüyü hesabına çalışırlar.
Bölmənin digər xəbərləri
