Baham adaları yeni sınaqlara hazırlaşır
Bakı, 14 sentyabr, AZƏRTAC
Güclü “Dorian” qasırğasından ziyan çəkmiş Baham adalarına yeni tropik siklon yaxınlaşır. AZƏRTAC “Euronews” kanalına istinadla xəbər verir ki, proqnozlara görə, o, özü ilə 15 santimetrə qədər yağıntı və gücü saatda 65 kilometrə qədər çatan külək gətirəcək. Qasırğa Baham adalarından şimal-qərbdə formalaşır və güclənərək Floridanın şərq sahillərinin çox yaxınlığından keçə bilər.
Yeni təbii fəlakət adalarda onsuz da gərgin olan humanitar işi çətinləşdirə bilər. Qeyd edək ki, BMT-nin Baş katibi Antonio Quterreş adalara səfər edib.
Baham adalarının sentyabrın əvvəlində üzləşdiyi “Dorian” qasırğası ən azı 50 adamın ölümünə səbəb olub. Təqribən 2500 adam itkin düşüb. Adalarda təqribən 13 min tikili dağılıb, yaxud zədələnib, geniş ərazilər suyun altında qalıb.
Bölmənin digər xəbərləri
