BAKI BANKLARARASI VALYUTA BİRJASINDA HƏRRACLARIN YEKUNLARI
Birjanın informasiya-təhlil şöbəsindən AZƏRTAC-ın müxbirinə bildirmişlər ki, elektron hərraclarının birja sistemində (EHBS) səhər sessiyasının açılışında USD/AZM-in məzənnəsi 1 dollar üçün 4901,52 manata bərabər idi. Səhər sessiyası çərçivəsində banklar arasında heç bir əqd bağlanmadığı üçün məzənnə göstəricisi dəyişməmişdir.
Gündüz sessiyasında USDAZM T+0 aləti üzrə 29 min ABŞ dollarına bərabər həcm qeydə alınmışdır. Gündüz sessiyasının orta hesablanmış məzənnəsi 1 dollar üçün 4906 manat olmuşdur.
Beləliklə, USD/AZM T+0 aləti üzrə hərracların ümumi həcmi hər iki sessiyanın yekunlarına görə 29 min ABŞ dolları təşkil etmişdir ki, bu da manat ekvivalenti ilə 142 milyondur. Bir əqdə, orta hesabla, 29 000 dollar düşmüşdür.
USD/AZM T+1 və T+2 alətləri üzrə tələb olmadığından dilerlər əqd bağlamamışlar.
EHBS-də banklar AVR/AZM, RUR/AZM aləti üzrə sifariş verməmişlər.
EHBS sistemi çərçivəsində fəaliyyət göstərən banklararası kredit bazarında banklar, ümumən, 37,334 milyard manat məbləğində kredit cəlb etmək və yerləşdirmək üçün sifarişlər vermişlər.
Birjada sentyabrın 6-da kredit alətləri üzrə əqdlər bağlanmamışdır.
Bölmənin digər xəbərləri
