BAKI BİZNES MƏRKƏZİNDƏ RUSİYA SANATORİYAMƏHSULLARININ TƏQDİMATI OLMUŞDUR
AZƏRTAC xəbər verir ki, Bakı Biznes Mərkəzində Rusiyanın Yessentuki şəhərindəki “Şaxtyor” sanatoriyasında göstərilən xidmətlər nümayiş etdirilmişdir. Azərbaycanlı turistlər bu məşhur müalicə-sağlamlıq mərkəzinə putyovkaları Azərbaycan Respublikasındakı “Qafqaz Mineralnıye Vodı kurortlar agentliyi”ndən ala bilərlər. Sanatoriyanın marketinq üzrə direktoru Vitali Plyaşnikov 1910-cu ildə yaradılmış bu sağlamlıq ocağında göstərilən xidmətlərdən danışaraq bildirmişdir ki, burada dincələnlərə geniş sanatoriya-kurort müalicəsi ilə yanaşı, müxtəlif ekskursiya və mədəni xidməti proqramları da təqdim olunur.
Stavropol diyarı hökumətinin hər il keçirdiyi müsabiqənin nəticələrinə görə, “Şaxtyor” sanatoriyası ictimai nüfuz nişanları, habelə “Rusiyanın yüz ən yaxşı malı” qızıl loqotipi ilə təltif edilmişdir.
