Bakı Mühəndislik Universitetinin tələbələri sərbəst güləş üzrə yarışın qalibi olublar
Xırdalan, 10 may, Ətrabə Rzayeva, AZƏRTAC
Gənclər və İdman Nazirliyi və Təhsil Nazirliyi tərəfindən təsdiq olunmuş təqvim planına əsasən, “Gənclik” Tələbə İdman Cəmiyyətinin təşkilatçılığı ilə ali təhsil müəssisələrinin tələbələri arasında XIV Respublika Universiadası keçirilir. Yarışlar idmanın 10 növü üzrə keçirilir və ümumilikdə mindən çox tələbəni əhatə edir.
AZƏRTAC xəbər verir ki, Bakı Mühəndislik Universitetinin (BMU) tələbələri də sözügedən yarışda fəal iştirak ediblər. Milli Aviasiya Akademiyasında sərbəst güləş üzrə yarışda BMU-nun tələbələri Məmmədəli Quliyev (61 kq) I yerə, Vüqar Quliyev isə (61 kq) III yerə layiq görülüb.
Yarışın qalibləri bu il iyulun 3-dən 14-nə kimi İtaliyanın Neapol şəhərində keçiriləcək XXX Ümumdünya Yay Universiadasında iştirak edəcəklər.
Bölmənin digər xəbərləri
