Bakı Nəqliyyat Agentliyi il ərzində 30 layihə icra edib
Bakı, 29 dekabr, AZƏRTAC
Bakı Nəqliyyat Agentliyi paytaxtda yol hərəkəti təhlükəsizliyi səviyyəsinin artırılması ilə bağlı 2021-ci ildə bir sıra vacib layihələrin icrasını təmin edib.
Bakı Nəqliyyat Agentliyindən AZƏRTAC-a bildirilib ki, cari ildə 161 küçə və prospektdə yol şəraitinin yaxşılaşdırılması ilə bağlı işlər görülüb. İl ərzində Agentliyin mütəxəssisləri tərəfindən 76 küçə və prospektin layihəsi işlənilib, 30 layihə isə icra edilib.
Avtobusların rahat və maneəsiz hərəkətini təmin etmək, ictimai nəqliyyat istifadəçilərinin səyahət müddətini minimuma endirmək məqsədilə, ümumilikdə, 6 küçə və prospektdə xüsusi zolaq təşkil edilib. Lakin nəzarətin yetərli olmaması səbəbindən, R.Behbudov küçəsi və Atatürk prospekti istisna olmaqla, xüsusi zolaqların təşkil edildiyi digər yollarda müsbət təsirlər hiss olunmur.
Bölmənin digər xəbərləri
