BAKI-TBİLİSİ-CEYHAN BORU KƏMƏRİ İLƏ XAM NEFTİN NƏQLİ BƏRPA OLUNMUŞDUR
AZƏRTAC-ın xüsusi müxbiri xəbər verir ki, 15 günlük fasilədən sonra, avqustun 20-də Bakı-Tbilisi-Ceyhan əsas ixrac boru kəməri ilə xam neftin nəqli bərpa olunmuşdur.
BTC kəməri ilə neftin Heydər Əliyev adına Ceyhan terminalına nəqli avqustun 5-də Türkiyənin Ərzincan vilayətinin Rəfahiyə rayonunda baş vermiş partlayışla əlaqədər dayanmışdı. BOTAŞ şirkətindən verilən məlumata görə, artıq boru xəttində bütün təmir işləri başa çatmış və neftlə doldurulan kəmərdən bu gündən etibarən dinamik sınaq nəqli başlanmışdır.
Şirkətdən onu da bildirmişlər ki, avqustun 23-dən etibarən Heydər Əliyev adına Ceyhan terminalında yenidən tankerlərin yüklənməsinə başlanacaqdır.
Bölmənin digər xəbərləri
