Bakıda “Ətraf mühitin indiki və gələcək nəsillər naminə mühafizəsi” mövzusunda müzakirələr aparılmışdır
Bakı, 17 aprel (AZƏRTAC). Ekologiya və Təbii Sərvətlər Nazirliyində 22 aprel-Beynəlxalq Yer Günü ilə əlaqədar “Ətraf mühitin indiki və gələcək nəsillər naminə mühafizəsi” mövzusunda tədbir keçirilmişdir.
Nazirliyin mətbuat xidmətindən AZƏRTAC-a bildirmişlər ki, tədbirdə Bakı şəhərindəki ali təhsil müəssisələrinin ətraf mühitin mühafizəsi sahəsində təhsil alan 50-yə yaxın tələbəsi iştirak etmişdir.
Tədbirdə ətraf mühitin mühafizəsi sahəsində görülən işlər nəticəsində qazanılmış uğurların əhalinin ekoloji şüurunda müsbət dəyişikliklərə səbəb olduğu bildirilmişdir. Eyni zamanda, indiki və gələcək nəsillərin tələbatını ödəmək məqsədilə təbii sərvətlərdən səmərəli istifadə etmək istiqamətində ölkədə həyata keçirilən tədbirlərdə gənclərin iştirakı müzakirə olunmuşdur.
Müzakirələrdə ətraf mühitin mühafizəsi sahəsində gənc nəslin rolunun zəruriliyi bildirilmiş, əhali arasında maarifləndirmə işlərinin aparılmasının vacibliyi vurğulanmışdır.
Bölmənin digər xəbərləri
