Bakının “Azəryol” voleybol komandası Almaniya millisinin liberosunu heyətinə cəlb etmişdir
Bakı, 21 noyabr (AZƏRTAC). Bakının qadınlardan ibarət “Azəryol” voleybol komandası Azərbaycan millisinin aparıcı üzvü Valeriya Korotenkoya əvəzləyici tapmışdır.
AZƏRTAC xəbər verir ki, Bakı təmsilçisi Almaniya millisinin liberosu Liza Tomseni heyətinə cəlb etmişdir.
İyirmi səkkiz yaşlı voleybolçu ilə mövsümün sonunadək müqavilə imzalanmışdır. Legioner həyatı yaşamayan Liza “Azəryol”a 2009-cu ildən şərəfini qoruduğu “Şveriner”dən gəlmişdir. Onun titulları da məhz bu klubla bağlıdır. Belə ki, 2 dəfə Almaniya çempionu olan L.Tomsen 1 dəfə də ölkə kubokunu başı üzərinə qaldırmışdır.
Bölmənin digər xəbərləri
