Baltikyanı ölkələr və Polşa koronavirusun ikinci dalğası olacağı təqdirdə əlaqəli şəkildə işləyəcəklər
Vilnüs, 16 iyun, AZƏRTAC
Baltikyanı ölkələr və Polşa koronavirusun ikinci dalğası yaşanacağı təqdirdə əlaqəli şəkildə işləyəcəklər.
AZƏRTAC xəbər verir ki, bu barədə dörd ölkənin Xarici İşlər nazirləri Vilnüsdə keçirilən görüşdən sonra bildiriblər.
Latviyanın Xarici İşlər naziri Edqar Rinkeviçs ilk dalğadan sonra, xüsusilə sərhədlər və vətəndaşların daşınması ilə bağlı qərar verilərkən daha sıx koordinasiyanın zəruriliyinin ortaya çıxdığını söyləyib.
Estoniyanın Xarici İşlər naziri Urmas Reynsalu bu qərarı COVID-19-la bağlı yaranmış vəziyyətdən ortaya çıxan nəticə kimi qiymətləndirib.
“Polşada və Baltikyanı ölkələrdə COVID-19 virusuna yoluxma halları ilə bağlı statistika digər Avropa ölkələrinə nisbətən daha ürəkaçan olub. Bu da hökumətlərimizin səmərəli şəkildə çalışdığını və düzgün qərarlar qəbul etdiyini göstərir”, - deyə Polşanın Xarici İşlər naziri Yatsek Çaputoviç söyləyib.
Asiman Əsədov
AZƏRTAC-ın xüsusi müxbiri
Vilnüs
Bölmənin digər xəbərləri
