“BANK OF AZERBAİJAN” ZƏRDABDA FİLİALINI AÇMIŞDIR
Azərbaycan Prezidenti İlham Əliyev mərasimdə iştirak etmişdir. Dövlətimizin başçısı yeni filialla tanış oldu, fəaliyyəti ilə maraqlandı. Prezidentə məlumat verildi ki, burada müvafiq maliyyə əməliyyatları keçirilir, hüquqi və fiziki şəxslərə kreditlər verilir. Ümumiyyətlə, bank regionların sosial-iqtisadi inkişafı Dövlət Proqramının icrası ilə bağlı büdcə vəsaiti hesabına maliyyələşdirilən layihələrin həyata keçirilməsində iştirak edir. İqtisadi rayonlar üzrə cəmi 140 layihə həyata keçirilir. Zərdabda açılmış filialda bir neçə yerli sakin işlə təmin olunmuşdur və gələcəkdə iş yerlərinin sayı artırılacaqdır.
Prezident İlham Əliyev bu cür layihələrin ölkənin iqtisadi inkişafı, regionlarda yeni iş yerlərinin açılması üçün əhəmiyyətli olduğunu bildirdi.
Açılış mərasimindən xatirə olaraq, dövlətimizin başçısına hədiyyə təqdim olundu.
Bölmənin digər xəbərləri
