“BANK RESPUBLİKA” “NEFTÇİLƏR” FİLİALI VƏ “ABŞERON” ŞÖBƏSİNİ İSTİFADƏYƏ VERMİŞDİR
AZƏRTAC xəbər verir ki, “Bank Respublika” “Neftçilər” filialını və “Abşeron” şöbəsini istifadəyə vermişdir.
“Neftçilər” filialı əhaliyə, şirkətlərə və təşkilatlara müxtəlif hesablaşma-kassa xidmətləri, istehlak, ipoteka, avtomobil və biznes kreditləri, depozitlər, MasterCard və VISA plastik kartları, Western Union, Contact, Migom, Coinstar, PrivatMoney, Bıstraya poçta, Xpress Money, Blizko və Allür sistemləri ilə pul köçürmələri, mobil rabitə ödənişi və sair bank xidmətləri təklif edir.
Honda avtomobil mərkəzində fəaliyyət göstərən “Abşeron” şöbəsi avtomobil mərkəzinin müştərilərinə kassa xidmətləri göstərir və avtomobil kreditləşməsi üzrə sifarişlər qəbul edir.
Hazırda “Bank Respublika”nın Bakı, Gəncə, Sumqayıt, Şirvan, Quba, Xaçmaz, Lənkəran, Masallı, Yevlax, Bərdə, Şəmkir, Göyçay və Goranboy şəhərlərində 19 filialı və 9 şöbəsi, həmçinin müştərilərə həftənin bütün günləri 24 saat fasiləsiz xidmət göstərən ofisi mövcuddur.
