“BANK RESPUBLİKA”DA “FUTBOL ÜZRƏ AVROPA ÇEMPİONATINA SƏYAHƏT” KAMPANİYASININ QALİBLƏRİ MÜƏYYƏN EDİLMİŞDİR
AZƏRTAC xəbər verir ki, “Bank Respublika”nın baş ofisində müstəqil şirkət və təşkilatların nümayəndələrindən ibarət münsiflər heyətinin iştirakı ilə “Futbol üzrə Avropa çempionatına səyahət” uduş kampaniyasının mükafatlarının oynanılma mərasimi keçirilmişdir.
Uduş kampaniyasının nəticələrinə əsasən, bankın 3 plastik kart müştərisinin hər biri iyunda keçiriləcək futbol üzrə Avropa çempionatına 2 nəfərlik səyahət qazanmışdır. Hər 3 uduşda 2 aviabilet, oteldə qalma, sığorta və Türkiyə yığma komandasının Portuqaliya, İsveçrə və Çexiya yığmaları ilə İsveçrənin Bazel və Cenevrə şəhərlərində keçiriləcək qrup oyunlarından birinə 2 bilet oynanılmışdır.
Kampaniyada “Bank Respublika”nın MasterCard və Maestro plastik kartlarının istifadəçiləri iştirak etmişlər.
Hazırda “Bank Respublika” Maestro, MasterCard və VISA kart müştəriləri arasında “Malta səyahəti” uduş kampaniyasını keçirir. Kampaniyanın əsas mükafatı 7 günə 2 nəfərlik Malta səyahətidir. 11 əlavə mükafat isə 1 noutbuk və 10 ədəd iPod Touch audio-video pleyerindən ibarətdir. “Malta səyahəti” kampaniyasının qalibləri bu il iyunun 20-də keçiriləcək lotereya oyununun nəticəsində müəyyən olunacaqlar.
Bank müştərilərə plastik kartları pulsuz və illik xidmət haqqı olmadan təklif edir. “Bank Respublika” kartlar üzrə iş yerindən arayış əsasında girovsuz və zaminsiz 200-dən 5000-dək AZN/USD/EUR məbləğində 45 günədək faizsiz kredit xətti almaq imkanı da verir. Qurum, həmçinin kartlar üzrə Home Banking, Card-to-Card, MobilBank və sair əlavə xidmətlər göstərir.
