Banklar Assosiasiyasının nümayəndəsinin məqaləsi beynəlxalq konfransa qəbul olunub
Bakı, 8 iyun, AZƏRTAC
Azərbaycan Banklar Assosiasiyası (ABA) nəzdində fəaliyyət göstərən “Xəzinədarlıq və Fondların İdarə Olunması” Ekspert Qrupunun sədri Aydın Hüseynovun elmi məqaləsi oktyabrın 25-28-də keçiriləcək “2nd International Conference on Machine Learning and Intelligent Systems” (MLIS 2020) konfransına qəbul edilib.
ABA-dan AZƏRTAC-a bildirilib ki, Seul şəhərində keçirilməsi planlaşdırılan konfrans özündə maşın öyrənməsi, süni intellekt və ağıllı sistemlər mövzularını əhatə edən çıxışlar və məqalələri cəmləşdirir.
Qeyd edək ki, ilk dəfə ötən ilin noyabrında keçirilən MLIS konfransında 13 ölkədən qatılan ekspertlər təcrübə mübadiləsi aparıb.
Bölmənin digər xəbərləri
