“Barselona” 2020-ci ildə ən çox gəlir əldə edən klub olub
Bakı, 26 yanvar, AZƏRTAC
“Deloitte” beynəlxalq konsaltinq şirkəti futbol klublarının 2020-ci il üçün olan maliyyə hesabatını açıqlayıb.
AZƏRTAC xəbər verir ki, İspaniyanın “Barselona” klubu ötən il ən çox gəlir əldə edən klub olub. La Liqa təmsilçisi ötən ildə 715,1 milyon avro gəlir əldə edib. Bu siyahıda Madridin “Real” komandası 714,9 milyon avro ilə ikinci, Almaniyanın “Bavariya” klubu isə 634,1 milyon avro ilə üçüncüdür. Dördüncü və beşinci pillələrdə müvafiq olaraq İngiltərənin “Mançester Yunayted” (580,4 milyon avro) və “Liverpul” (558,6 milyon avro) komandaları qərarlaşıblar.
Qeyd edək ki, “Barselona” klubu cari mövsümdə İspaniya çempionatında keçirdiyi 19 oyundan sonra 37 xalla turnir cədvəlində üçüncüdür.
Bölmənin digər xəbərləri
