Bayram ərəfəsində hərbi qulluqçular şəhid ailələrini ziyarət ediblər
Bakı, 30 dekabr, AZƏRTAC
Müdafiə naziri general-polkovnik Zakir Həsənovun tapşırığına əsasən Azərbaycan Ordusunun hərbi qulluqçuları bayram ərəfəsində respublikamızın müxtəlif bölgələrində şəhid ailələrini ziyarət ediblər.
Nazirliyin mətbuat xidmətindən AZƏRTAC-a verilən məlumata görə, hərbi qulluqçular şəhidlərin ailə üzvlərini Dünya Azərbaycanlılarının Həmrəyliyi Günü və Yeni il münasibətilə təbrik edib, onların qayğıları ilə maraqlanıblar.
Keçirilən görüşlər zamanı Prezidentin 2023-cü ilin 7 noyabr tarixli müvafiq Sərəncamına əsasən təltif edilən şəhid hərbi qulluqçuların medalları da onların ailələrinə təqdim olunub.
Həmçinin, bayramlar ərəfəsində şəhidlərin məzarları ziyarət olunub, xatirələrinə hörmət və ehtiram nümayiş etdirilib.
Bölmənin digər xəbərləri
