BAYTARLIQ XİDMƏTİNİN MADDİ-TEXNİKİ BAZASI MÖHKƏMLƏNİR
Kənd Təsərrüfatı Nazirliyi yanında Dövlət Baytarlıq Xidmətindən AZƏRTAC-a verilən məlumata görə, ötən ilin yanvar-noyabrında xidmətin idarə və təşkilatlarınınn maddi-texniki bazasının möhkəmləndirilməsi sahəsində xeyli iş görülmüşdür.
Respublika Baytarlıq Laboratoriyası, Şamaxı rayon baytarlıq idarəsi və zona baytarlıq laboratoriyası, Bərdə, Ağcabədi, Zərdab, Ucar, Yardımlı və Biləsuvar rayon baytarlıq idarələri əsaslı və cari təmir edilmişdir. Xidmətə 20 ədəd nəqliyyat vasitəsi, kompyuter dəsti, digər avadanlıq alınmışdır. Dövlət büdcəsindən əsaslı vəsait qoyuluşu hesabına Dövlət Baytarlıq Xidmətinin, 8 rayon baytarlıq idarəsinin, 2 zona baytarlıq laboratoriyasının və 6 diaqnostik kabinetin tikintisinə başlanmışdır.
2008- ci ildə 19 rayonda baytarlıq idarəsi, 1 rayonda zona baytarlıq laboratoriyası, 18 rayonda diaqnostik kabineti, 50 rayonda isə sahə baytarlıq məntəqələri üçün yeni binaların tikintisi nəzərdə tutulmuşdur.
Bölmənin digər xəbərləri
