BƏƏ dünyaya müsbət təsir göstərən ölkələrin ilk onluğundadır
Dubay, 19 mart, AZƏRTAC
Birləşmiş Ərəb Əmirlikləri (BƏƏ) bütün dünyaya müsbət təsir göstərən və gənc nəsli gələcək çağırışlara hazırlamağa qabil olan ölkələrin ilk onluğunda 8-ci yeri tutur.
AZƏRTAC xəbər verir ki, bu fikir Pozitiv İqtisadiyyat İnstitutunun illik məruzəsində öz əksini tapıb.
BƏƏ İqtisadi Əməkdaşlıq və İnkişaf Təşkilatının üzvü olmayan, amma həmin reytinqə daxil edilmiş ilk ölkə olub. Böyük Britaniya, ABŞ, Fransa və Avstraliya kimi ölkələri geridə qoymuş Əmirliklər bu reytinqdə ərəb dünyasının yeganə nümayəndəsidir.
Gələcək nəsillər üçün inkişaf imkanlarını müəyyən edən təhsil, infrastrukturun inkişafı, maliyyələşdirmə, konsensus və gənclərin ictimai həyata cəlb edilməsi sahələrində 30 göstərici üzrə tərtib edilmiş bu reytinqdə İlk yerləri İslandiya, İsveç və Norveç tutur.
Asya Hacızadə
AZƏRTAC -ın xüsusi müxbiri
Dubay
Bölmənin digər xəbərləri
