“Beerbaşa” komandası EMF Çempionlar Liqasının səkkizdəbir final mərhələsinə yüksəlib
Bakı, 2 sentyabr, AZƏRTAC
Minifutbol üzrə Azərbaycan çempionu “Beerbaşa” komandası EMF Çempionlar Liqasının qrup mərhələsində növbəti qələbəsini qazanaraq daha bir tarixi nailiyyətə imza atıb.
AZƏRTAC xəbər verir ki, “Beerbaşa” Rumıniyanın AEK (Oradya) komandasını 4:0 hesabı ilə məğlub edib. Qolları Elvin Əlizadə, Emin Əliyev, Cəfər Cəfərov və Emil Məmmədov vurub. Bununla da komanda 6 xalla B qrupunun lideri olub və səkkizdəbir finala adlayıb.
Qeyd edək ki, “Beerbaşa” ilk turda Çexiyanın “La Plate de Kunde” komandasına 1:2 hesabı ilə uduzub. Azərbaycan çempionu daha sonra Bolqarıstanın “DXC Texnoloci” komandasını 5:1 hesabı ilə məğlub edib.
Bölmənin digər xəbərləri
