Belqradda atışma olub, ölən və yaralananlar var
Belqrad, 30 sentyabr, AZƏRTAC
Serbiyanın paytaxtı Belqradın Vişnyiçka Banya bölgəsində barda atışma baş verib.
AZƏRTAC xəbər verir ki, hadisə nəticəsində ikisi qadın olmaqla 4 nəfər güllələnib. Bir qadın yerindəcə həlak olub. Yaralılar təcili yardım maşınları ilə xəstəxanaya çatdırılıb.
Bir neçə silahlı şəxsin mikroavtobusdan düşərək ətrafa atəş açdıqları bildirilib.
Hadisə yerinə təhlükəsizlik qüvvələri cəlb olunub. Polis əməliyyata başlayıb, Palilula qəsəbəsi mühasirəyə alınıb.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
