BƏM ŞƏHƏRİNİN HAVA LİMANI BƏRPA EDİLMİŞDİR

29.12.2003 [12:46]
Çap et
A⁺ A^-

AZƏRTAC-ın Tehrandan aldığı xəbərdə deyilir ki, Bəm şəhərinin cümə günü baş verən güclü zəlzələ nəticəsində dağılmış hava limanı bərpa olunmuşdur. Dekabrın 27-də bu liman humanitar yardım yükləri gətirən ilk beş nəqliyyat təyyarəsini qəbul etmişdir.

Bundan əvvəl bu ağır təyyarələr Bəmin 150 kilometrliyində yerləşən Kirman ostanının mərkəzinə enirdi. İran mütəxəssisləri qısa müddətdə naviqasiya avadanlığını bərpa edərək, hava limanına elektrik enerjisi verilməsinə nail olmuşlar. Xoşbəxtlikdən, qalxma-enmə zolağına ciddi ziyan dəyməmişdir.

Ekspertlərin hesablamalarına görə, təbii fəlakət nəticəsində Bəm şəhərinin 200 minlik əhalisinin təxminən 40 min nəfəri həlak olmuşdur. Onların arasında əcnəbi turistlərin olması da istisna deyildir. Ona görə də İranın Turizm Nazirliyi turizm şirkətlərindən bu günlərdə Bəmə gələn turistlər barədə məlumat verməyi xahiş etmişdir.

BƏM ŞƏHƏRİNİN HAVA LİMANI BƏRPA EDİLMİŞDİR

MÜƏLLİFLƏ ƏLAQƏ

Bölmənin digər xəbərləri