BƏMDƏ YERALTI TƏKANLAR DAVAM EDİR
AZƏRTAC-ın Tehrandan aldığı xəbərə görə, yanvarın 4-də gecə İranın Bəm şəhərinin sakinləri daha bir yeraltı təkanın həyəcanını yaşamışlar. Tehran Universitetinin Geofizika Mərkəzi bildirmişdir ki, zəlzələnin gücü Rixter cədvəli ilə 3,6 bal olmuşdur. Eyni gücdə yeraltı təkanlar bu bölgədə bazar günü də hiss edilmişdir.
Bununla yanaşı, dağılmış şəhər tədricən canlanmağa başlayır. Şənbə günü banklar açılmış, əslində, bütün şəhər elektrik enerjisi ilə təmin olunmuşdur. Bazar ertəsi məktəblərdə, daha doğrusu, xüsusi çadırlarda dərslər başlanacaqdır. Himayə orqanları dağılmış şəhərdə valideynlərsiz və evsiz qalan 1800 uşağı xüsusi nəzarətə götürmüşlər.
Bölmənin digər xəbərləri
