BƏRDƏDƏ 24 MİN 713 AİLƏYƏ TORPAQ PAYI HAQQINDA ŞƏHADƏTNAMƏ VERİLİB
Respublika Dövlət Torpaq və Xəritəçəkmə Komitəsinin Bərdə rayon şöbəsindən AZƏRTAC-ın müxbirinə bildirmişlər ki, aqrar islahatların birinci mərhələsində 24 min 713 ailəyə torpaq payı və torpağa mülkiyyət haqqında dövlət aktı verilmiş, 50 min 92 hektar sahə 91 min nəfər torpaq mülkiyyətçisi arasında bölünmüşdür.
Rayonda 35 min 730 hektar dövlət, 27 min 221 hektar bələdiyyə, 3 min 780 hektar qışlaq torpağı vardır. Aqrar islahatların ikinci mərhələsində torpaqlardan səmərəli istifadə etmək üçün aqroservislər, müxtəlif xidmət müəssisələri yaradılır.
İndi bələdiyyələrin sərhədlər üzrə xəritələri üzərində iş gedir və həyətyanı sahələr üzrə şəhadətnamələr hazırlanır.
