Bərdədə “Təmiz hava aylığı” çərçivəsində növbəti reyd keçirilmişdir
Bərdə, 29 avqust (AZƏRTAC). Bərdə Rayon Polis Şöbəsinin Dövlət Yol Polisi Bölməsi Ekologiya və Təbii Sərvətlər Nazirliyinin 12 saylı ərazi ekologiya və təbii sərvətlər şöbəsi ilə birgə avqustun 1-dən başlayaraq “Təmiz hava” aylığı keçirir.
AZƏRTAC xəbər verir ki, atmosferin korlanmasına nəzarətin gücləndirilməsi və atmosfer havasının avtomobillərin ixrac qazlarının tərkibində olan zərərli maddələrlə çirkləndirilməsinin qarşısının alınması məqsədilə rayonun müxtəlif yerlərində reydlər təşkil edilir.
Bərdə şəhərində keçirilən növbəti reyd zamanı 35 nəqliyyat vasitəsi yoxlanılmış, avtomobillərinin mühərriklərin ixrac etdiyi dəm qazının tərkibində normadan artıq zərərli maddələr aşkar edilən 5 sürücü barəsində protokol tərtib edilmişdir.
“Təmiz hava aylığı” çərçivəsində reydlər avqustun 31-dək davam edəcəkdir.
Bölmənin digər xəbərləri
