Berti Foqts: Bəzi mövqelərdə yenə dəyişikliklər edəcəyəm
Bakı, 18 noyabr (AZƏRTAC). Qırğızıstanda olduğumuz üçün şadıq. Burada xoş münasibət gördük. Belə oyunlar bizə vacibdir.
AZƏRTAC xəbər verir ki, bu sözləri noyabrın 19-da futbol üzrə Qırğızıstan yığması ilə yoldaşlıq oyunu keçirəcək Azərbaycan milli komandasının baş məşqçisi Berti Foqts mətbuat konfransında demişdir.
Bildirmişdir ki, Tallinndə Estoniya yığmasına qarşı pis oynamadıq. İki səhv etdik və estoniyalılar qələbə qazandı. Qol şanslarımız olsa da, istifadə edə bilmədik.
B.Foqts demişdir: “Futbol elə oyundur ki, hamı qələbə qazanmaq istəyir. Rəqib də qələbə üçün meydana çıxacaq, biz də. Sabah bəzi mövqelərdə yenə dəyişikliklər edəcəyəm. Hər bir futbolçu səhv edə bilər. Mənim də səhvim olur. Amma eyni səhvi iki dəfə təkrarlamaq olmaz.
Qeyd edək ki, Qırğızıstan - Azərbaycan matçı Dolen Omurzakov adına stadionda (keçmiş “Spartak” stadionu) keçiriləcək və Bakı vaxtı ilə saat 13:00-da başlayacaqdır.
Bölmənin digər xəbərləri
