BEYNƏLXALQ ANTİTERROR KOALİSİYASININ QIRĞIZISTANDAKI AVİABAZASI BAŞQA YERƏ KÖÇÜRÜLMƏYƏCƏK
Məlum olduğu kimi, ötən il Qırğızıstan hökuməti bu aviabazanın əsaslı tikintisi üçün “Manas” aeroportu yaxınlığında 300 hektar torpaq sahəsi ayırmışdır. Lakin indi bazanın komandanlığı iqtisadi mülahizələrə görə həmin təklifdən imtina etmişdir. Odur ki, bu hərbi obyekt əvvəlki 32 akr sahədə qalacaqdır.
Müxtəlif mənbələrin məlumatına görə, hazırda “Manas”da ABŞ-ın bir neçə yüz hərbi qulluqçusu var və onlar Əfqanıstanda aparılan “Sarsılmaz azadlıq” əməliyyatını dəstəkləyirlər. Bundan əvvəl bazada 7 ölkənin 1500-dək əsgər və zabiti vardı. “Sarsılmaz azadlıq” əməliyyatının fəal mərhələsi başa çatdıqdan sonra onlar öz texnika və silah-sursatını götürüb vətənə qayıtdılar.
Bölmənin digər xəbərləri
