BEYNƏLXALQ POEZİYA GÜNÜNƏ HƏSR OLUNMUŞ TƏDBİR
AZƏRTAC xəbər verir ki, martın 22-də Azərbaycan Yazıçılar Birliyinin Natəvan klubunda Beynəlxalq Poeziya Gününə həsr olunmuş tədbir keçirilmişdir. Şair Çingiz Əlioğlunun apadığı tədbirdə öz şeirlərini oxuyan müxtəlif ədəbi nəslin nümayəndələri onu da vurğulamışlar ki, YUNESKO-nun qərarı ilə dünyanın hər yerində poeziya bayramı kimi qeyd olunan gün, həm də Azərbaycanın böyük xalq şairi Səməd Vurğunun doğum günüdür.
Xalq şairləri Qabil, Vaqif Səmədoğlu, şairlərdən Musa Yaqub, Ağa Laçınlı və başqaları tədbirdə çıxış edərək, Səməd Vurğunla bağlı xatirələrini danışmış, şeirlərini söyləmişlər.
Tədbirdən əvvəl yazıçı, şair və ziyalılarımız Fəxri xiyabanda Səməd Vurğunun məzarını ziyarət etmiş, qəbirüstü abidəsinin önünə tər gül-çiçək dəstələri düzmüşlər.
Bölmənin digər xəbərləri
