Binə Atçılıq Mərkəzində cıdır yarışlarına start verilib
Bakı, 7 sentyabr, Nicat Məmmədov, AZƏRTAC
Sentyabrın 7-də Azərbaycan Respublikası Atçılıq Federasiyasının (ARAF) təşkilatçılığı ilə növbəti cıdır yarışları keçirilir. Yarışda Qarabağ, Dilboz və ingilis atları 3 kateqoriyada öz güclərini sınayıblar.
AZƏRTAC xəbər verir ki, birinci qaçışda 4 yaşdan yuxarı ingilis atlarının yarışdığı 2400 metr məsafədə "Omar" AİK-in sahib olduğu “Mr.Tornado” ləqəbli at fərqlənib. O, rəqiblərindən ən yaxşı nəticə göstərərək birinci olub. İkinci yeri Ramiz İbrahimovun sahib olduğu "Kənan" adlı at, üçüncü yeri isə "Arzu" AİK-in sahib olduğu "Şəfəqim" adlı at tutub.
Yarış davam edir. Növbəti mərhələdə Qarabağ və Dilboz atlarının qaçışı təşkil olunacaq.
Turnirin ümumi mükafat fondu 7000 manat təşkil edir.
Bölmənin digər xəbərləri
