Biofizika İnstitutunda attestasiya komissiyası yaradılacaq
Bakı, 20 fevral, AZƏRTAC
Azərbaycan Milli Elmlər Akademiyasının (AMEA) Biofizika İnstitutunun elmi şurasının növbəti iclası keçirilib.
İnstitutdan AZƏRTAC-a bildirilib ki, iclasda bu elmi müəssisənin nəzdindəki laboratoriyaların 2019-cu il üzrə elmi-tədqiqat işlərinin mərhələləri və fərdi iş planları müzakirə olunaraq təsdiq edilib.
Sonra İranın Ərdəbil Universitetinin tibb fakültəsində çalışan tədqiqatçılar - Xəzər Universitetinin dissertantları Ruhullah Muradpur və Məhşid Damandanın elmi rəhbərləri təyin olunub.
Şura üzvlərinə akademik Akif Əlizadənin “Gənc qadınlar elmdə” müsabiqəsinin keçirilməsi haqqında 2019-cu il 5 fevral tarixli sərəncamı ilə bağlı məlumat verilib. Müsabiqədə iştirak etmək üçün institutun biomolekulların strukturu, dinamikası və funksiyası laboratoriyasının alimləri Aytac Quliyevanın və Ləman Daşdəmirovanın namizədliyi irəli sürülüb.
İclasda, həmçinin elmi kadrların seçilməsi ilə bağlı attestasiya komissiyasının yaradılması qərara alınıb.
Bölmənin digər xəbərləri
