BİRJA BAZARININ AVQUST AYI ÜÇÜN GÖSTƏRİCİLƏRİ
2003-cü ilin avqust ayı ərzində ümumi dəyəri 70 milyard manat həcmində qısamüddətli dövlət istiqraz vərəqələrinin yerləşdirilməsi üçün iki tədbir keçirilmişdir. Bakı Fond Birjasının mətbuat xidmətindən AZƏRTAC-ın müxbirinə bildirmişlər ki, hər iki tədbirin yekunlarına görə, orta hesablanmış qiymət üzrə gəlir 7,68 faiz olmuşdur. Qısamüddətli dövlət istiqraz vərəqələrinin təkrar bazarında hərracların həcmi 7.373.433.800 manat təşkil etmişdir. Cəmi 7 404 istiqraz vərəqəsi satılmışdır. Ötən ay hərracların həcmi 930.490.472 manat olmuş, 85 emitentin 220820 səhmi satılmışdır.
Bölmənin digər xəbərləri
