Birləşmiş Ştatların neft ehtiyatları artıb
Bakı, 7 fevral, AZƏRTAC
ABŞ-ın xam neft ehtiyatları artır.
AZƏRTAC xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ölkədə neft ehtiyatları 1,3 milyon barrel (0,3 faiz) artaraq 447,2 milyon barrel olub. Bazar proqnozları ehtiyatların 2,2 milyon barrel artacağı istiqamətində idi. Əvvəlki həftə neft ehtiyatları 900 min barrel çoxalmışdı.
ABŞ-ın strateji neft ehtiyatları isə keçən həftə əvvəlki həftə ilə müqayisədə dəyişməyərək 649,1 milyon barrel təşkil edib.
Ölkənin benzin ehtiyatları isə hesabat həftəsində 500 min barrel (0,2 faiz) artaraq 257,9 milyon barrel olub. Bazar proqnozları ehtiyatların 1,6 milyon barrel artacağı istiqamətində idi. Əvvəlki həftə ABŞ-ın benzin ehtiyatları 2,2 milyon barrel azalmışdı.
Bölmənin digər xəbərləri
