BİTKİ ZƏRƏRVERİCİLƏRİNƏ QARŞI MÜBARİZƏ APARILIR
Kənd Təsərrüfati Nazirliyi yanında Dövlət Fitosanitar Nəzarəti Xidmətinin rəisi Məmmədəli Dünyamalıyev AZƏRTAC-a bildirmişdir ki, bitki mühafizəsi və karantini sahəsində nəzarətin sabitliyi məqsədilə cari ilin 9 ayında idxal olunmuş 533 min 316 ton, ixrac edilmiş 65 min 49 ton bitkiçilik məhsullarına fitosanitar baxışı keçirilmişdir. Həmin müddətdə xüsusi təhlükəli zərərvericilərə, 89 min 750 hektarda gəmiricilərə,35 min 690 hektarda çəyirtkəkimilərə, 11 min 520 hektarda Kolorado böcəyinə, 8 min 530 hektarda Amerika ağ kəpənəyinə qarşı kimyəvi mübarizə tədbirləri aparılmışdır.
Hazırda xüsusi təhlükəli zərərvericilərə qarşı mübarizə davam etdirilir.
Bölmənin digər xəbərləri
