“BİZ HEYDƏR ƏLİYEV İRSİNİ ÖYRƏNİRİK” MÖVZUSUNDA BİLİK YARIŞMASININ QALİBLƏRİ MÜKAFATLANDIRILMIŞLAR
AZƏRTAC xəbər verir ki, Yeni Azərbaycan Partiyası Gəncə şəhər təşkilatının məktəblər arasında keçirdiyi “Biz Heydər Əliyev irsini öyrənirik” mövzusunda bilik yarışmasına yekun vurulmuşdur.
Ümummilli liderimiz Heydər Əliyevin anadan olmasının 85 illiyinə həsr olunmuş yarışın finalında 8 komanda mübarizə aparmışdır. Əsasən ulu öndərin həyat və fəaliyyəti, Azərbaycan Prezidenti İlham Əliyevin həyata keçirdiyi islahatlar və Heydər Əliyev Fondunun gördüyü işlər barədə verilən suallara məktəblilər zəngin və dolğun cavablar vermişlər.
Sonda münsiflər heyətinin qərarı ilə 3 qalib komandaya qiymətli hədiyyələr təqdim olunmuşdur.
Bölmənin digər xəbərləri
