BMT AGENTLİKLƏRİ QUŞ QRİPİ İLƏ MÜBARİZƏDƏ AZƏRBAYCANA YARDIM EDİR

25.03.2006 [21:17]
Çap et
A⁺ A^-

Ölkəmizdə insanlar arasında H5N1 virusuna yoluxmanın təsdiqindən sonra BMT agentlikləri Azərbaycanda quş qripi xəstəliyinin qarşısının alınması və bu sahədə bütün qurumların birgə fəaliyyətinin əlaqələndirilməsi üzrə Dövlət Komissiyasına göstərdikləri yardımı artırmışlar.

Dünya Səhiyyə Təşkilatı virusa yoluxma hallarının qarşısının alınması üçün Səhiyyə Nazirliyi ilə əməkdaşlıq edir. Buraya vurisa yoluxma halları baş vermiş ərazilərdə müşahidə və monitorinqin aparılması, infeksiyaya nəzarət, onun mənbəyini tapmaq məqsədi ilə epidemioloji tədqiqat daxildir.

BMT-nin Ərzaq və Kənd Təsərrüfatı Təşkilatı (FAO) quşlar arasında bu virusa yoluxmanın qarşısını almaq üçün Kənd Təsərrüfatı Nazirliyinə yardım edir.

Qurumun Uşaq Fondu (UNİSEF) Səhiyyə, Təhsil və Kənd Təsərrüfatı nazirlikləri ilə birgə maarifləndirici məlumatlar hazırlamışdır.