BMT-NİN BAŞ KATİBİ BEYNƏLXALQ YERLİ ƏHALİ GÜNÜ MÜNASİBƏTİLƏ MÜRACİƏT ETMİŞDİR
AZƏRTAC xəbər verir ki, BMT-nin Baş katibi Pan Gi Mun 9 avqust - Beynəlxalq Yerli Əhali günü münasibətilə müraciət etmişdir.
Baş katib dövlətləri və əhalini BMT Baş Məclisinin yerli əhalinin hüquqlarına dair qəbul etdiyi Bəyannaməsində əks olunan insan hüquqlarının müdafiəsinə səy göstərməyə çağırmışdır. O, yerli əhaliyə qarşı ayrıseçkiliyin, onların torpaqlarının zorla əllərindən alınmasının və digər hüquqlarının pozulmasının yolverilməz olduğunu bildirmişdir.
Müraciətdə vurğulanmışdır ki, 2008-ci il Beynəlxalq Dillər İli olduğu üçün BMT sistemini və bütün əlaqədar tərəfləri təhlükə ilə üzləşən dilləri qorumaq və onları inkişaf etdirmək, o cümlədən, bu müştərək irsin gələcək nəsillərə sağlam şəkildə ötürülməsini təmin etmək üçün təcili addımlar atılmalıdır.
Bölmənin digər xəbərləri
