BOKT “International” ASC-nin səhmləri listinqə alınıb
Bakı, 15 may, AZƏRTAC
Bakı Fond Birjasının (BFB) Listinq Komitəsinin qərarı ilə BOKT “International” ASC-nin ümumi dəyəri 3 milyon manat olan səhmləri standart bazar seqmentində listinqə daxil edilib.
BFB-dən AZƏRTAC-a bildirilib ki, adi adlı sənədsiz səhmlərin sayı 3 min ədəd, nominal dəyəri 1000 manatdır. Yerləşdirmə üzrə anderrayter “AzFinance İnvestisiya Şirkəti” QSC-dir.
Qeyd olunan səhmlərin yerləşdirilməsi Bakı Fond Birjasında abunə yazılışı üsulu ilə həyata keçiriləcək. Yerləşdirmənin başlanmasına ən azı 2 iş günü qalmış hərracın reallaşacağı tarix BFB-nin internet səhifəsində investorlara açıqlanacaq. Qiymətli kağızların emissiya prospektini BFB-nin internet səhifəsində “Emitentlərin profili” (https://www.bfb.az/az/emitentler) bölməsindən əldə etmək olar.
Bölmənin digər xəbərləri
