Bölgələrdə şagirdlərin ekoloji problemlərlə bağlı maarifləndirilməsi vacib məsəlidir
Bakı, 24 sentyabr (AZƏRTAC). Bölgələrdə şagirdlərin ekoloji problemlərlə bağlı maarifləndirilməsi vacib məsəlidir.
Bu sözləri IDEA kampaniyası tərəfindən həyata keçirilən “Yaşıl Azərbaycan naminə” ekoloji maarifləndirmə layihəsinin təlimçisi, Azərbaycan Dövlət Pedaqoji Universitetinin tələbəsi Nərgiz Sadıqzadə AZƏRTAC-a müsahibəsində demişdir.
Onun sözlərinə görə, layihənin məqsədi ekoloji problemləri və məlumatları rayonlarda məktəblilərə çatdırmaq, onları bu məsələ ilə bağlı maarifləndirməkdir. Layihəni daha da genişləndirmək üçün Azərbaycanın bütün rayonlarında seminarlar keçiriləcəkdir.
Rayonlara səfər çərçivəsində altı təlimçidən ibarət komanda hər gün iki məktəbin şagirdlərini ekoloji problemlərlə bağlı maarifləndirəcəkdir. Həmçinin, məktəblilər üçün interaktiv oyunlar da təşkil olunacaqdır.
Bölmənin digər xəbərləri
