BORU KƏMƏRİNİN TƏHLÜKƏSİZLİYİ ÜZRƏ TƏLİM KURSLARI
Amerika Birləşmiş Ştatlarının Azərbaycandakı səfirliyinin mətbuat xidmətindən AZƏRTAC-a daxil olmuş məlumatda deyilir ki, ölkəmizdə səfərdə olan ABŞ-ın Dövlət Departamentinin anti-terrorizm siyasəsti, planlaşdırma, proqramlar və ictimai diplomatiya sahələri üzrə əlaqələndiricisinin müavini xanım Stefani Kinninin rəhbərlik etdiyi 12 nəfərlik nümayəndə heyəti boru kəmərinin təhlükəsizliyinə birbaşa cavabdeh olan Azərbaycan rəsmiləri üçün “Əsas əməliyyat tədbirləri” mövzusunda təlim kursları keçməyə başlamışdır. Dekabrın 20-dək davam edəcək kurslar Terrorizm əleyhinə yardım proqramı çərçivəsində keçirilir.
Məlumatda o da bildirirlir ki, ABŞ hökumətinin Azərbaycanın dövlət və hökumət rəsmiləri üçün “Terrorizm əleyhinə, boru kəmərinin təhlükəsizliyi üzrə əsas siyasət” mövzusunda təşkil etdiyi seminar dekabrın 17-də başa çatmışdır.
Bölmənin digər xəbərləri
