Botanika İnstitutu Macarıstan Elmlər Akademiyası ilə əməkdaşlıq edəcək
Bakı, 7 sentyabr, AZƏRTAC
Elm və Təhsil Nazirliyinin Botanika İnstitutu ilə Macarıstan Elmlər Akademiyasının Ekoloji Tədqiqatlar Mərkəzinin Ekologiya və Botanika İnstitutu arasında qarşılıqlı əməkdaşlığa dair memorandum imzalanıb.
Bu barədə AZƏRTAC-a Elm və Təhsil Nazirliyinin Botanika İnstitutundan məlumat verilib.
Memoranduma əsasən, botaniki və ekoloji tədqiqatlar üzrə müştərək tədqiqatların aparılması, kadr mübadiləsi, təlim proqramlarının hazırlanması və s. həyata keçiriləcək. Birgə qazanılmış təcrübə sayəsində mikologiya, bitki ekologiyası, aqroekologiya sahələrində yeni yanaşmaların tətbiq olunması, yeni ekologiya şöbəsinin yaradılması planlaşdırılır.
Bölmənin digər xəbərləri
