Böyük Britaniya tennisçisi Endi Marrey ikiqat Olimpiya çempionu olub
Bakı, 15 avqust, AZƏRTAC
Böyük Britaniya tennisçisi Endi Marrey Rio-de-Janeyroda təşkil olunan XXXI Yay Olimpiya Oyunlarının şəxsi yarışlarında qızıl medal qazanıb.
AZƏRTAC xəbər verir ki, “London-2012”də fəxri kürsünün ən yüksək pilləsində yer alan E.Marrey final görüşündə argentinalı Xuan Martin del Potronu 7:5, 4:6, 6:2, 7:5 hesabı ilə məğlub edərək ikiqat Olimpiya çempionu olub.
Bürünc medal uğrunda görüşdə yaponiyalı Kei Nisikora ispaniyalı Rafael Nadala qalib gəlib.
Endi Marrey Olimpiya Oyunları tarixində ilk tennisçidir ki, şəxsi yarışlarda iki dəfə qızıl medala sahib olub.
Bölmənin digər xəbərləri
