Böyük Britaniyanın Baş Naziri Avropa Komissiyasının sədri ilə görüşüb
London, 16 sentyabr, AZƏRTAC
Böyük Britaniyanın Baş Naziri Boris Conson bu gün Lüksemburqda Avropa Komissiyasının sədri Jan Klod Yunkerlə görüşüb.
AZƏRTAC xəbər verir ki, görüşə sonradan Avropa İttifaqının Brexit danışıqları üzrə müşaviri Mişel Barnier və Böyük Britaniyanın Brexit katibi Stiv Barkley də qoşulub.
Görüşdən sonra Jan Klod Yunker jurnalistlərə açıqlamasında danışıqların yüksək sürətlə davam etdiriləcəyini söyləyib.
O, Böyük Britaniya ilə Avropa İttifaqı arasındakı müzakirələrin fəallaşmasının vacib olduğunu və görüşlərin tezliklə baş tutacağını bildirib.
Qeyd edək ki, bu, Boris Consonun Baş Nazir seçiləndən sonra Jan Klod Yunker ilə ilk görüşüdür.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
