“bp-AZƏRBAYCAN”: CƏNUBİ QAFQAZ KƏMƏRİNƏ QAZ VURULMASI EHTİYAT TƏDBİRLƏRİ İLƏ ƏLAQƏDAR DAYANDIRILMIŞDIR
“bp-Azərbaycan” şirkətinin ictimaiyyətlə əlaqələr departamentinin meneceri Tamam Bayatlı AZƏRTAC-a bildirmişdir ki, Cənubi Qafqaz qaz boru kəmərinə (Bakı-Tbilisi-Ərzurum) qaz vurulması əməliyyatı ehtiyat tədbirləri ilə əlaqədar dayandırılmışdır.
Xarici informasiya agentliklərinin “Şahdəniz” yatağında hasilatın azalması ilə bağlı qazın kəmərə vurulmasının dayandırıldığı barədə yaydığı məlumatları təkzib edən “bp-Azərbaycan” şirkətinin rəsmisi demişdir ki, hazırda həmin yataqdan hasil edilən qaz Azərbaycanın qaz anbarlarına vurulur. Eyni zamanda, həm Türkiyəyə, həm də Gürcüstana kəmərdə olan qaz verilir. Bundan əlavə, qazın xaricə nəqli alternativ marşrutlar üzrə davam etdirilir.
T.Bayatlı, ehtiyat tədbiri olaraq, Bakı-Supsa neft kəməri ilə də əməliyyatın dayandırıldığını bildirmişdir.
Bölmənin digər xəbərləri
