BQXK AZƏRBAYCAN VƏ ONUN SİLAHLI QÜVVƏLƏRİ İLƏ ƏMƏKDAŞLIĞINI BUNDAN SONRA DA DAVAM ETDİRƏCƏKDİR
Nazirliyin mətbuat xidmətindən AZƏRTAC-a verilən məlumata görə, nazir BQXK-nın Azərbaycan nümayəndəliyinin 1992-ci ildən fəaliyyət göstərdiyini, onun Ermənistan-Azərbaycan müharibəsinin gedişində və bu gün də əsir və itkin düşənlərin, o cümlədən girov götürülənlərin axtarışı ilə məşğul olduğunu qeyd etmişdir.
O, Ermənistan-Azərbaycan, Dağlıq Qarabağ münaqişəsinin nəticələrinə toxunaraq bildirmişdir ki, münaqişə başlayarkən burada beynəlxalq humanitar hüququn prinsipləri işləməli idi. Lakin belə olmadı. Məcburi köçkün və qaçqın həyatı sürən, öz doğma yurd-yuvasından didərgin düşən 1 milyona yaxın Azərbaycan vətəndaşı hələ də ağır vəziyyətdə yaşayır.
General-polkovnik Səfər Əbiyev Ermənistan-Azərbaycan müharibəsinin gedişi zamanı ermənilərin silahlı münaqişələrin hüquq normalarına riayət etmədiklərini xüsusi vurğulamışdır. Nazir Xocalı faciəsi və onun nəticəsi barəsində qonağa ətraflı məlumat verərək demişdir: “Hər bir beynəlxalq təşkilat, o cümlədən BQXK Ermənistan-Azərbaycan münaqişəsinin həlli üçün əlindən gələni etməlidir.”
Yakob Kellenberger başçılıq etdiyi qurumun fəaliyyəti və iş prinsipləri haqqında ətraflı məlumat verərək qeyd etmişdir ki, Beynəlxalq Qırmızı Xaç Komitəsi Azərbaycan dövləti və onun Silahlı Qüvvələri ilə əməkdaşlığını bundan sonra da davam etdirəcəkdir.
Görüşdə tərəflər əməkdaşlığın perspektivləri haqqında fikir mübadiləsi aparmışlar.
Bölmənin digər xəbərləri
